羊貓貓

原來距離上次寫Blog的日子已經十個月,我在大台的日子又差不多一年,有點意興闌珊,所以都係時候重整。

上星期跟羊咩去了一個另類的深圳遊,不是按摩或者Shopping,是一個欣賞古建築之旅,很多相已給羊咩Upload 到Facebook,我只好放上有代表性同可愛的,記住我們只是去了一天深圳。

嘩,羊貓又瞓醒啦,其實係因為放假先真,唔記得幾耐之前,我可以放紅色公眾假期,轉工為我重生這個久違的感覺。上星期日難得羊咩放假,於是去一個距離家中不遠的地方「遠足」-----嘉道理農場,這是一個小學生去的地方,但不失為一個適合一家大小去的地方,因為現今城市人,小見樹木,小運動,所以有機會不妨選擇每月第一個星期日去(每個星期日都開),但每月第一個星期日多數有主題玩,今次你睇相就知咩主題。另外,就係買有機蔬菜,應該都係全港最平啦!

今次赴清邁,全因應友好之邀,參加他們一年一度省親之旅,節目豐富,食玩買不停,好!就從一張類似超市價單開始,因為香港到曼谷一程,不甚了了,泰航飛機餐甚難吃,羊貓大鄉里,第一次搭乘平價航空公司Air Asia 赴清邁,可見我那張Broading Pass,仲要Free Seating,哈哈,連水都要買的機位,單程約二百多港元。 甫落機到婆婆家,她已經準備大量水果招呼來客,我粗略估計今次吃了十種水果,我的照片中是未能盡錄的。然後立即驅車到貨場展開購(喪)買行動,高五層的貨架,真有點令羊貓心花怒放,可能是剛落機,沒甚麼準備,我只是買了小量手信,但觀察所得,到泰國我的建議是買Oral B全線產品,計有牙膏,牙線,?口水等等,另外,是蚊怕水,蚊膏之類,此外,還有一支Counterpain的按摩膏,價錢約為港元四分之一,60g約港幣十元,我都入左四支,長話短說,我的行程還有,廿蚊任食越南自助晚餐,大象訓練營,佢地畫畫靚過好多人,吃自己整溫泉蛋,行夜市,遊泰王夏宮,雙龍寺, 素貼寺,泰緬寮邊境(湄公河金三角),還去了很多大大間超市,百貨公司,這是跟團一定無。 清邁的貓咪非常黏人,相信喜愛貓兒的友好,到那裡一定不亦樂乎!!

近日與羊咩咩一起廝磨的時間好像比平日多,可能是羊貓待業的原故,看了兩次"變粽特攻",因羊咩要睇,我一於當仁不讓,因為第一次遲到15分鐘.上星期我倆去了一趟短線遊----德慶盤龍峽,雖然只是短短三天又有點雨,不過好玩好吃價錢又實惠,又與羊咩一起,實在愜意得很.故此寄語友好們----珍真惜眼前人,相片可見羊氏伉儷,羊咩抱擁大自然,吃得好,及應節食品----煎粽!^.^

自從做報館之後,就間接誡左睇電影----我的最大娛樂,又自從結婚兼無做野,終於從拾番呢個最大興趣,每當羊咩咩放假,我地都會搵番套大電影消磨下時間,而我D豬朋間中亦會醒D特別場,呢層當然全單接收啦^.^,見到個個Blog都寫 Da Vinci Code,等我又襯高興先,我地兩個都無睇過書,只係睇過NGC的特輯,所以比較注重套戲多過原著,我倆皆認為最大敗筆是找湯漢斯做教授,唔夠說服力之餘,亦浪費了影帝之名,兩個半鐘都唔悶,作為無神論的我覺得個作者又有D諗頭,同宗教開佐個玩笑,等我明天睇埋:變種特攻3,再打小赧告

昨天本地股市大跌400多點,而今年的首個颱風亦逐漸進迫香港,羊貓貓完成手頭上的兩個月散工,又回復平靜,可惜是工作接近完成之前一星期,竟然來個大拗柴,左腳腳踝腫到豬腳仔般,平白又要花錢去睇跌打,真有點不憤,仲要諸多誡口,當唐無晒心機,@__@ 今次工作的成果,當然是去旅行,哈哈,泰國和澳洲的機票都已買好,真是巴不得立即就到6月....,另外就是買定新相機準備旅行,Panasonic LX1是羊咩喜愛的,而Canon 800i是羊貓所好,但終於買了前者,唉....,今次就附上用新機影的金毛BB女:芳名荀荀!

哈哈羊貓貓個部落就快長滿草啦,比朋友仔取笑,連羊咩咩都忍不住話我,其實我有苦衷,真係好忙,但不能盡錄,Anyway,羊貓貓努力下啦,我會陸續報告一下四個月來的得意野, 最近又最大件新聞當然係羊氏伉儷已經不用帶眼鏡啦,係三月尾我們去比中大眼科做白老鼠,做Laisk,羊咩就做淨幾十度就番佢老花 ,醫生話羊貓基本係無晒近視啦,幾神奇呀. 好講住咁多先,下次再報告過.......,先介紹今次的好味食品,係馬交(澳門)試的緬甸麵,椰汁香味無得彈,Yummp :b

哈哈,懶貓返來啦!去了東京八天,一言已蔽之------飽,係呀!自由行去日本有人識聽識講,梗係最Perfect,八日裡沒有一次吃的是會重複,加上日圓兩年來最低,所以用得非常愜意,我的同伴除了吃就是Shopping,反而我未有喪買,極其買了點小吃給羊咩咩,皆因身外物實在太多了,今次行程最特別是去了輕井澤看紅葉,那裡除了有一個很大的Factory Outlet之外,也是日本人影婚紗相的聖地,很有小鎮風情,很舒服.此外,我們去了草津溫泉,據說是著名之一,結論係.....好得. 嘿嘿,今次我仲去埋筑地魚市場,自由之丘,汐留,近年來東京新發展的地區都到此一遊,至於睇相要各位稍等一下,Upload 需時,睇住美味的一角先啦!呀!今次仲遇到地震,撞車,公主結婚等事件!!

哈哈,睇黎羊貓貓都係做唔成搵食的文化人,實在躲懶非常,失業的日子竟然忙得不可開交,連寫網誌的時間都沒有了,這十數天裏,去了幾次深圳食野,會了不少的好友,當然同卒之有假放的羊咩咩去威威,呀!有一件重要的事決定了,12月份我倆正式做其大埔人啦,搬到火車站旁的居屋,重新展開我們的新界人生活! 好在這裡分享一下我近日的得著,睇下估唔估我食左的咩好野......Yummp ^.^

應友好邀請一遊深圳,去參觀人家的靚屋,想當年如羊咩咩一時衝動買屋,我想不會有此一遊,一別已是三四年的光景,友人說的是,香港搵錢大陸洗多愜意,不過交通費計落亦很「甘」,我才吃了兩餐只花了140元,菜單已囊括中西美食,仲有食埋裝修,難怪吸引港人入大陸消費,你敢唔敢食另計!

近日可算是重操故業,到舊公司做Freelance,無做差不多五六年,要重新投入,要有一番適應,好在上班第三天已經可以上手了,不然真的丟臉,與此同時作為一個過客,看到他(她)們的職場鬥爭,真是有點心寒,不知是否真的年紀大了.....! 這份工好在放星期六日,可以感受假日的擠迫,蠻過癮!相片是星期日在旺角步行街拍下,麻甩佬影女,我梗係影公仔啦!

唔知好定唔好,唔知啱定唔啱,不過置之死地而後生,雖然未到噤誇張,不過大條道理說服自己,然後大大條道理說服羊咩咩,他暫時保留原職,唔跳槽住,然後開始搬家的大計,計劃我倆的新生活,嘿...羊咩咩又在哭訴又要搬屋啦...嗚嗚